Israa’iil ayaa ku dhawaaqday inay maalmaha soo socda furi doonto isgoyska muhiimka ah ee Rafax ee u dhexeeya Qasa iyo Masar, si ay Falastiiniyiintu ugu gudbaan dhanka Masar.
Hay’adda militari ee Israa’iil, COGAT, ayaa sheegtay in maritaanka dadka loo “fududeyn doono iyada oo lala shaqeynayo Masar, kadib marka Israa’iil oggolaansho amni siisay, isla markaana ay hoos u eegayso howsha qeybta Midowga Yurub.” Waxay intaas ku dartay in tani ay “la mid noqon doonto nidaamkii ka shaqeeyay bishii Janaayo,” markaas oo isgoyska la furay intii lagu jiray xabbad-joojin hore.
Sarkaal amni oo Israa’iili ah ayaa sheegay in arrintani ay muujinayso taageerada Israa’iil ee xabbad-joojinta hadda ee ay la leedahay Xamaas, taas oo socota toddobo usbuuc.
Si kastaba ha ahaatee, Masar ayaa beenisay inay Israa’iil la kaashaneyso dib u furista isgoyska Rafax.
