Kuala Lumpur, Malaysia – Dab xooggan ayaa burburiyay ku dhawaad 1,000 guri oo ku-meel gaar ah, kuwaas oo badankood laga dhisay tiirar kor ka taagan biyaha, halkaas oo kumannaan qof lagu barakiciyay xeebta gobolka Sabah, sida ay sheegeen mas’uuliyiinta.
Dabkan ayaa ka kacay aroornimadii Axadda tuulo biyo ku taalla oo ku taal degmada Sandakan ee waqooyi-bari Sabah, halkaas oo ay ku nool yihiin qaar ka mid ah dadka ugu saboolsan Malaysia, oo ay ku jiraan bulshooyin asal ah iyo kuwo aan dhalasho rasmi ah lahayn, kuwaas oo ku nool guryo alwaax ah oo si aad ah isugu dhow oo ku dhisan tiirar biyaha ka sarreeya.
Taliyaha booliska Sandakan, George Abd Rakman, ayaa laga soo xigtay wargeyska Ingiriisiga ah ee The Star isagoo sheegay in dhacdadan “aad u ballaaran oo murugo leh” ay saameysay ilaa 9,007 qof.
Waaxda dab-damiska iyo samatabbixinta ee Sabah ayaa sheegtay in la ogeysiiyay dhacdada qiyaastii 1:30 subaxnimo
waxayna geeyeen 37 shaqaale ah oo ka kala socda laba saldhig si ay ula dagaallamaan dabka.
Waaxda ayaa bayaan soo saartay oo ku tiri in dabku saameyay qiyaastii 1,000 guri oo ku meel gaar ah oo sabeynayay biyaha kokooda oo leh dhul dhan 10 acres inuu 100% gubtay.
Wadooyinka cidhiidhiga ah ee laga galo ayaa ka hor istaagay matoorada dab damiska inay gaaraan goobta.
Mowjadaha badda oo hooseeya ayaa sidoo kale ku adkeeyay dab-damiska inay helaan ilo biyood oo furan, halka dabayshu ay sidoo kale shiday ololka.
