Accra, Ghana – Tirada dadka ku dhintay daadadkii xooganaa ee toddobaadkan ka dhacay Ghana ayaa korortay, iyadoo gaartay 34 qof, sida ay sheegeen mas’uuliyiinta dalka.
Hay’adda Maareynta Musiibooyinka Qaranka (NADMO) ayaa sheegtay in 12 ka mid ah dadka dhintay laga diiwaangeliyay caasimadda Accra, iyadoo weli la baarayo wararka ku saabsan dad la la’yahay.
Kooxaha gurmadka ayaa sii wada raadinta dadka la la’yahay, halka gargaar loo qeybinayo bulshooyinka ay saameeyeen fatahaaduhu.
Daadadka ayaa saameeyay toddobo gobol oo dalka ah, waxaana ku barakacay ku dhowaad 90,000 oo qof.
Gobolka Greater Accra ayaa noqday kan ugu badan ee ay fatahaaduhu saameeyeen, iyadoo mas’uuliyiintu ka digeen in tirada dhimashada ay weli sii kordhi karto.
