Kinshasa, Congo – Kadib markii cudurka Ebola uu dilay in ka badan 2,500 qof dalka Congo, dowladda ayaa heshay qaybtii ugu horreysay oo ka kooban 16,520 tallaal oo Ebola ah si loo xakameeyo faafitaanka cudurka.
Wasiirka Caafimaadka Samuel Roger Kamba ayaa sheegay in in ka badan 50,000 tallaal oo dheeraad ah la filayo maalmaha soo socda, iyadoo dowladda ay taageero ka helayso hay’adaha caafimaadka caalamiga ah.
Hay’adda Caafimaadka Adduunka ayaa sidoo kale sheegtay in Congo loo soo diri doono 70,000 tallaal oo laga soo qaadayo keydka caalamiga ah ee tallaalka Ebola, kuwaas oo loo adeegsan doono cilmi-baaris iyo ilaalinta shaqaalaha safka hore.
Kiisaska la xaqiijiyay ee cudurka Ebola ayaa gaaray 5,290, halka in ka badan 2,500 qof ay dhinteen, sida lagu sheegay xogtii ugu dambeysay ee Wasaaradda Caafimaadka.
Hay’adda “Médecins Sans Frontières” ayaa ka digtay in bulshada ay weli u baahan yihiin taageero dheeraad ah, iyadoo ku baaqday in la xoojiyo tababarka shaqaalaha caafimaadka iyo hoggaamiyeyaasha bulshada si loo ogaado kiisaska loona xakameeyo faafitaanka cudurka.
