Dalalka Ethiopia iyo Soomaaliya ayaa mar kale xaqiijiyay go’aankooda ku aaddan xoojinta nabadda iyo xasilloonida gobolka Geeska Afrika, xilli lagu guda jiro Shirka Heerka Sare ee 11-aad ee Tana ee Ammaanka Afrika.
Furitaanka shirkan, oo ka socday dalka Ethiopia, ayaa diiradda lagu saaray doorka istiraatiijiga ah ee Geeska Afrika iyo muhiimadda ay leedahay nabad iyo wada-shaqeyn wadareed oo u dhaxaysa dalalka gobolka.
Hoggaamiyeyaasha iyo khubarada ka qeyb galeysay shirka ayaa carabka ku adkeeyay in wadajirka iyo iskaashiga siyaasadeed ee dalalka Geeska Afrika uu yahay furaha lagu xaqiijin karo amni waara iyo horumar dhaqaale oo guud ahaan Afrika laga gaaro.
Shirka Tana, oo sanadkan maraya kulankiisii 11-aad, ayaa loo arkaa madal muhiim ah oo ay madaxda Afrika iyo khubarada amniga ku falanqeeyaan arrimaha nabadda iyo istiraatiijiyadda gobolka.
