Gaza, Palastine – Wiil 15 jir Falastiin ah ayaa lagu dilay weerar ay ciidamada badda Israa’iil ka fuliyeen xeebaha bartamaha Qaza, sida ay sheegeen ilo caafimaad.
Wiilka la dilay oo lagu magacaabi jiray Muhammad Musa Abu Giab ayaa la sheegay in uu ahaa kalluumeysi, waxaana lagu dhuftay rasaas ay fureen maraakiibta dagaalka Israa’iil.
Sidoo kale, maraakiibta Israa’iil ayaa rasaas iyo madaafiic ku garaacay xeebaha magaalada Qaza, inkastoo aan wax khasaare ah laga soo sheegin weerarkaas.
Dhanka kale, laba qof oo Falastiiniyiin ah ayaa meydkooda la geeyay isbitaal ku yaalla Qaza kadib duqeyn dhulka ah oo Israa’iil ka fulisay xaafadda Zeitoun ee magaalada Qaza Sabtidii.
Weeraradan ayaa imaanaya iyadoo lagu eedeeyay Israa’iil inay jebisay xabbad-joojin dhawaan dhaqan gashay, taasoo sii kordhisay xiisadda iyo khasaaraha ka socda Qaza.
Tan iyo markii xabbad-joojintu dhaqan gashay, in ka badan 950 Falastiiniyiin ah ayaa la dilay, halka in ka badan 2,980 kalena ay ku dhaawacmeen weerarro Israa’iil ay si joogto ah u fulisay, sida ay sheegeen xogaha Falastiiniyiinta.
