Lima, Peru – Shacabka Peru ayaa maanta u dareeray goobaha codbixinta si ay uga qeyb qaataan wareegga labaad ee doorashada madaxtinimada, taas oo lagu tilmaamay mid go’aamin doonta jihada siyaasadeed iyo dhaqaale ee dalka.
Doorashada ayaa u dhexeysa musharraxa midigta ah Keiko Fujimori iyo musharraxa bidixda ah Roberto Sanchez, kuwaas oo soo bandhigay aragtiyo aad u kala duwan oo ku saabsan mustaqbalka Peru.
Fujimori ayaa ololaheeda ku saleysay amniga iyo la dagaallanka dambiyada abaabulan, iyadoo taageeradeedu xooggan tahay magaalooyinka waaweyn, gaar ahaan caasimadda Lima.
Dhanka kale, Sanchez ayaa taageero ka helaya miyiga iyo bulshada asaliga ah, isagoo ballanqaaday dib u eegis lagu sameeyo heshiisyada macdanta iyo kordhinta doorka dowladda ee maamulka khayraadka dalka.
Doorashadan ayaa ku soo beegmaysa xilli Peru ay wajahayso qalalaase siyaasadeed iyo cabashooyin la xiriira musuqmaasuqa, amniga iyo xaaladda dhaqaale.
