Tokyo, Japan – Japan ayaa u yeertay safiirka Ruushka u fadhiya Japan Nikolay Stanislavovich Nozdrev si uu uga hadlo booqashada Madaxweynaha Ruushka Vladimir Putin ee Jasiiradda Iturup ee lagu muransanyahay.
Sida ay ku warantay warbaahinta Kyodo Wasiirka Arrimaha Dibadda Japan Toshimitsu Motegi ayaa ka codsaday Nozdrev inuu eeda u gudbiyo Moscow sida ugu dhakhsaha badan.
Vladamir Putin ayaa horaantii maanta oo Khamiis ah hore booqday Iturup safarkiisii ugu horreeyay ee silsiladda jasiiradda ee ka baxsan Hokkaido xilli uu safar ku tagay gobolka Bariga Fog ee dalkiisa ee Sakhalin.
Tokyo ayaa ku adkeysaneysaa in Dhulalka Waqooyi, oo ka kooban Iturup, Kunashiri, Shikotan iyo kooxda jasiiradda Habomai, ay si sharci darro ah u qabsadeen Midowgii Soofiyeeti ee hadda baaba’ay wax yar ka dib markii Japan ay is dhiibtay Dagaalkii Labaad ee Adduunka 15, August, sanadkii 1945ka.
Ruushka, oo ugu yeerta Kurils Koonfureed, ayaa ku doodaya in qabsashadu ay ahayd mid sharci ah silsiladahan jasiiradaha ah.
Muranka u dhexeeya Ruushka iyo Japan ayaa hor istaagay saxiixa heshiis nabadeed oo dhexmara labada dal tan iyo Dagaalkii Labaad ee Adduunka, xiisadaha ayaana sii xoogeystay sannadihii u dambeeyay iyadoo Japan ay cunaqabateyn ku soo rogtay Moscow markii uu bilowday dagaalkii Ruushka iyo Ukraine.
