Ankara, Turkey – Wasaaradda Difaaca Turkiga ayaa Khamiista maanta ah sheegtay inaanu jirin wafti ka dagayay ama ku sugnaa saldhiga ciidanka cirka Syria ee Abu Al- Duhur ka hor iyo intii ay socotay duqeynta Israel ee saldhigaas.
Wasaaradda ayaa ku tilmaantay weerarkii Israa’iil ee saldhigga diyaaradaha ee militariga fal ujeedadiisu tahay in lagu waxyeeleeyo xasilloonida, amniga, midnimada iyo sharafta Suuriya, iyo sidoo kale kaabayaasha dhaqaalaha.
Wasaaradda oo ka hadashay duqeynta ayaa sheegtay “Waxaan xaqiijineynaa in aysan jirin wafdi militari oo Turki ah oo joogay Saldhigga Diyaaradaha ee Abu al-Duhuur ee Suuriya ka hor ama inta lagu guda jiray weerarkii Israa’iil”.
Wasaaradda oo ka hadalka duqeynta Israel ee saldhiga Abu Al Duhur ee Syria sii wadata ayaa carabaabtay “Waxaan ku nuuxnuuxsaneynaa fursad kasta in weerarrada ku xadgudbaya madaxbannaanida Suuriya iyo sharafta dhuleed ay tahay mid aan la aqbali karin”.
Wasaaradda ayaa sidoo kale ka hadashay sii wadida iyo dhismaha ciidanka Syria “Türkiye waxay sii wadi doontaa inay taageerto dadaallada Suuriya ee lagu dhisayo kaabayaasha dhaqaalaha iyo awoodda milatari iyada oo la raacayo mabda’a hal ciidan”.
