Washington, US – Madaxweynaha Mareykanka Donald Trump ayaa magacaabay Bill Pulte inuu noqdo Agaasimaha Sirdoonka Qaranka, isagoo beddelaya Tulsi Gabbard oo xilka ka degtay dhammaadkii bishii hore.
Trump ayaa sheegay in Pulte uu sii wadi doono xilalkiisa kale ee la xiriira hay’adaha maaliyadda guryaha, isaga oo barbar socodsiinaya jagadiisa cusub.
Madaxweynaha ayaa ku ammaanay Pulte khibraddiisa maamulka iyo awoodda uu u leeyahay inuu maareeyo arrimaha xasaasiga ah ee dalka, isagoo sheegay inuu gacan ka geysan doono xasilloonida suuqyada.
Si kastaba, warbaahinta Mareykanka ayaa sheegtay in Pulte uusan lahayn waayo aragnimo muuqata oo dhinaca amniga qaranka iyo sirdoonka ah, taasoo dhalisay su’aalo ku saabsan magacaabistiisa.
Pulte ayaa sidoo kale caan ku ah inuu si fagaare ah u dhaleeceeyo qaar ka mid ah siyaasiyiinta mucaaradka.
Pulte ayaa ah ganacsade hodan ah oo ka soo jeeda qoys caan ku ah dhismaha guryaha, wuxuuna hore u soo qabtay xilal sare oo dhinaca maaliyadda iyo guryaha ah.
