Salzburg, Austria – Garsooraha Soomaaliyeed Cumar Cartan ayaa caawa taariikh cusub ka sameynaya kubadda cagta Yurub, isagoo noqonaya qofkii ugu horreeyay ee aan Yurub kasoo jeedin ee garsoora ciyaarta UEFA Super Cup, oo lagu qabanayo magaalada Salzburg.
Cartan oo 34 jir ah ayaa ka mid noqday garsoorayaasha ugu caansan qaaradda Afrika. Wuxuu noqday Soomaali kii ugu horreeyay ee garsoora finalka CAF Champions League, waxaana sidoo kale loo magacaabay Garsooraha Sanadka ee CAF.
UEFA ayaa sheegtay in magacaabista Cartan ay qayb ka tahay heshiis iskaashi oo sanadkan dhex maray UEFA iyo CAF, kaas oo lagu xoojinayo xiriirka iyo iskaashiga dhinaca garsoorka kubadda cagta. Madaxweynaha CAF Patrice Motsepe ayaa sheegay in magacaabistaasi ay sharaf weyn u tahay Cartan iyo garsoorayaasha Afrika.
Artan ayaa sidoo kale loo doortay inuu garsooro Koobka Adduunka sanadkan, balse waxaa laga hor istaagay inuu galo Mareykanka inkastoo uu haystay fiiso sax ah. Cartan ayaa sheegay in arrintaasi ay ahayd waqti adag, balse uusan ka quusan riyadiisa.
Ciyaarta UEFA Super Cup ee caawa ayaa Salzburg ku dhex mari doonta Paris Saint-Germain oo ku guuleysatay Champions League iyo Aston Villa oo qaaday Europa League. Cartan ayaa fariin u diray garsoorayaasha da’da yar iyo dadka hamiga leh, isagoo yiri: “Weligaa ha joojin riyada.”
